246                                           REGISTRES DU BUREAU                                       [i563]
CCCLXXXVI. — [Mandement au capitaine Bonnot pour visiter les hostelleries.]
3 juillet 1563. (H 1785, fol. 5 r°.)
De par les Prevost des Marchans et Eschevins de la ville de paris.
"Cappitaine Bonnot [demeurant rue de la Ca-lende], et en vostre absence voz lieutenans ou en­seignes, ne faillez, incontinant le present mande­ment receu, à vous transporter, appellé avecq vous le commissaire el deux bourgeois du quartier, par toutes les hostelleries et autres lieux où logent per­sonnes non demourans en ceste Ville, pour vous enquerir et informer quelles personnes sont logez esd. lieux, dont ilz sont et l'occasion de leur séjour. Et où en trouverrez aucuns sans occasion legitime séjournons, enjoignez leur de vuidder lad. Ville dedans xxim heures, sur peine d'estre mis hors lad. Ville reaulment et de faict, amende arbi­traire et punition corporelle, s'il y eschet. Et quant à ceulx qui pretendent estre pour procès, marchan­dises, ou autres affaires, enquerez vous de leurs hostes ou d'autres qu'ilz vous nommeront avoir con­gnoissance de leursd, affaires, si ce sera veritable; ausquelz hostes enjoindrez de vous apporter par chacune sepmaine les noms et qualitez des per­sonnes qui viendront loger en leurs dictes hostelle­ries et maisons, ensemble quelles armes ilz auront, desquelles ilz se saisiront et en responderont en
leurs propres et privez noms, et ce sur peine de amende arbitraire et punition corporelle, le tout suivant les arrestz et ordonnances de la Court dé Parlement ; et desd, recherches et visitations ferez ung petit mot de procès verbal, pour sur icellui estre pourveu ainsi que dc raison, et sur toutes choses gardez en l'execution des presentes toute modestie, et faictes en sorte qu'il n'advienne aulcune sédition ou scandalle. Et où en trouverez aulcuns faisans scandalle, sédition ou esmotion, saisissez vous des aucteurs, motifz et faulteurs d'iceulx, et les consti­tuez prisonniers es plus prochaines prisons, pour en estre faict justice selon l'exigence du cas; et neantmoins apportez ou envoiez au Bureau de lad. Ville les noms desd, hostes deffaillans, et qui ne vous ont cy devant baillez les noms desd, personnes qu'ilz logent, pour y estre pourveu ainsi que de raison t1'.
"Faict le 111e Juillet vclxiii.»
Baillez au clerc des capitaines pour porter.
Pareilz mandemens ont esté envoiez aux cappi­taines Lecourt, Gourjon, Masurier, Frissart, Bour­geois, Tanchou, Larcher, Berault, Plastrier et Alart.
CCCLXXXVII. — Assemblée de Conseil pour les cm escuz.
3 juillet i563. (Fol. 207 r°.)
Du samedy, troisiesme jour de Juillet, l'an mil cinq cens soixante trois.
En l'Assemblée le jour d'huy tenue en l'Hostel de la ville de Paris de Messieurs les Prévost des Mar­chans, Eschevins et Conseillers de lad. Ville pour oyr la lecture et donner advis sur la responce des lettres envoyées par lad. Ville au Roy pour le faict des cent mil escuz demandez par led. Srvà lad. Ville, en laquelle se sont trouvez, assavoir :
Mons1" le Prevost, monsr Marcel, mons1 l'Advocat, monsr l'Escalopier, monsr Lé Prebstre, monsrHenne-quyn, mons1, de Ravenel, mons1, de Charmeau, monsr le Lieutenant particullier, mons1 Le Lievre, sire Pierre Crocquet, mons' Tanneguyu, mons1, Le Sueur.
Conclusion.
A esté conclud qu'il sera faict trés humbles remonstrances au Roy que l'assignation ordonnée par Sa Majesté sur sa recepte generalle de Paris pour recouvrer lesd, cent mil escuz à constitution de rente ne pourroict estre receue, pour la difficulté que les habitans de lad. Ville ont tousjours faict par cy devant d'autres semblables assignations qu'on leur a voullu cy devant bailler ; et où led. Sr vouldroict que lad. assignation eust lieu, fauldroict faire assemblée generalle de tous les estatz de lad. Ville, laquelle seroict à craindre pour la diversité des oppinions, mais a esté advisé pour le meilleur que l'on man­dera les bourgeois plus aisez des seize Quartiers
C Ce mandement se trouve en minute dans le Registre Z 6826, fol. 11 o r°.